養生養身-按揉雙手

養生養身-按揉雙手


最近成日覺得唔舒服，塊面爆曬瘡，面色暗暗黃黃，大家都知-女人最驚塊面出事，於是去搵個靚仔中醫睇吓

結果 靚仔中醫同我講：脾胃虛弱。
根據佢所講解：五臟六腑之皆會顯現在面，而面上的瘡、斑、色，通常都是反應出內分泌的狀況；思慮傷脾，成日好多嘢諗就易傷脾胃，脾胃一虛塊面就會暗黃，如果不想做”黃面婆”，就要健脾胃、養氣血。

佢俾我嘅建議：除咗乖乖準時食藥，平時有時間就雙手互相按揉一下，每日2-3分鐘，堅持一段時間就會見到改善。

點樣按揉雙手？
首先 在手上找到<參考圖片中>
①-心臟區：在大拇指跟下面。(大魚際線上方)
②-腸道區：肉肉最厚位置（小魚際)，搵一個最敏感的點。
③-消化區：生命線中間向內1cm。
④-面部區：中指指跟下面的位置。

按摩手法：
配合腹式呼吸，吸氣時小腹輕微向外脹，呼氣時小腹向外收，對準圖中標示的位置
吸氣時- 稍用力按揉
呼氣時- 增加力量垂直按壓
每個位置20個呼吸左右

注意事項：
完成後最好飲一杯暖水，不要立即洗手。

大家 可以在等車、坐車時抽少少時間按嚇對手，即可以對身體有一點點好處(累積起來就是一個大大的好處)又可以減少低頭撳手機嘅時間(避免成日頭耷耷肩頸痛)，一舉多得是Angel 近期最喜歡做的事💗